رامي جمال يتحدث عن أزمة ويجز ورامي صبري

شارك المطرب رامي جمال، جمهوره ومتابعيه، عبر حسابه الرسمي على موقع التواصل الاجتماعي «إنستجرام»، برسالة مهمة وتوضيحية عقب الأزمة التي حدثت مؤخرًا من قبل مطرب الراب ويجز والمطرب رامي صبري.وكتب رامي جمال عبر خاصية القصص القصيرة: “أنا ماحبش أكون رقم في الفن أنا احب أكون رامي جمال، وأحب أكون علامة بعد ما أقرر أبطل أو أزهق أو عمري يخلص، ومبحبش المقارنات ولا عاوزها، وعايز كل الناس ناجحين؛ دي مش مثالية لكن ثقة إن رزقي هو رزقي سواء نجحتوا أو لا، مفيش حد بياخد حاجة من رزق حد”.وأضاف: “الفن رصيد وجايز مكونش وصلت لسه للي بحلم بيه، بس أشكر ربي على كل اللي وصلتله، ولسه عشمان فيه أكثر ويشكر كل حد ساعدني بحب أو فن.. بشكر الصناع والشركات اللي اشتغلت معاهم”.كما توجه باعتذار لكن من ضايقه بقصد أو بدون قصد، قائلاً: “من أي شخص أنا زعلته أو ضايقته بقصد أو غير قصد.. أنا انسان وممكن أكون غلطت وبغلط المهم وربنا العالم إن قلبي مفيهوش غير حب للناس اللي قربية واللي وبعيدة”.وأوضح أنه يتعرض لكثير من الاحباطات، مضيفا: “بتعرض كثير لإحباط بس دايما ثقتي في ربنا وحظي ورزقي في حب من اللي حواليا وستر كبير بيخلوني أرجع واتشحن طاقة تاني، بحاول قد ما أقدر لي أجتهد وأجاهد نفسي إني أعمل سيرة حلوة عشان ده اللي باقي”.وأردف: “بس المشكلة إن الفترة اللي إحنا عايشينها دي أما بتتكلم وحش عن حد کده بتبقی مادة إعلامیة دسمة، وده عمري ما هعملوا “.واختتم: “أخيرا أنا بحبكم جدا أصحاب وأهل وجمهور.. وشكرا أنا عاوز أعيش في سلام وحب وكفاية الدنيا صعبة فسهلوها على بعض”.اقرأ أيضًا : «ويجز» يهاجم رامي صبري بعد تصريحاته