هبة مجدي: التريند مش بيهمني.. والمهم في الإيرادات تكون حقيقية
حلت الفنانة هبة مجدي ضيفة برنامج أرقام مع إيناس سلامة الشواف على راديو إنرجي وكشفت عن كواليس حياتها وأعمالها الفنية. وقال في تصريحاتها: العمر مهم جدا مينفعش يبقى مجرد رقم لأن كل فترة لها طبيعتها وعن نفسي رقم العمر بربطه بالزواج والإنجاب وبفضله في أواخر العشرينات لأن صعب مجهود الحمل والولادة في عمر متأخر أو بدري”. وأضافت: “النضج مرتبط بالسن والخبرات مش عامل واحد والشغل والنجاح ملهومش سن هما مرتبطين بالاجتهاد والحظ والمكتوب ياما ناس بتلمع وهي كبيرة”. اقرأ أيضا – دنيا سامي: مسلسل النص «رايق».. وتعبنا جدا في «80 باكو» وتابعت هبة مجدي: “كامل العدد في قاعة السينما ده نجاح ومسؤولية كبيرة لأنه إقبال على شغلك وده حاجة تبسط جدا ورقم الترند مش بيهمني لأنه بالنسبة لي بيطلع عادة للأسوأ والمهم في الإيرادات وأرقام المشاهدة تبقى حقيقية”. وواصلت: “معرفش أجور زملائي إيه ولو ركزت على النقطة دي وقتها القيمة هتقل.. الأجر العالي هيتحققلك لو اشتغلت كويس وبقيت مطلوب وترتيب الأفيش بيضايق فبرضه مبقيتش أركز فيه لأن كتير اتفاقات مش بتتم.. اللي يهمني هو الدور وتأثيره على الجمهور”. ونوهت: “أرقام المتابعين مكانتش مهمة في بدايات ظهور السوشيال ميديا.. بعد فترة بقت مهم ولقيت ناس كتير بتعلق على الأرقام اللي عندي وعن نفسي حلو إحساس إن في متابعين حقيقين و ده بيبان في تفاصيل كثير وفي الشارع وأنا أحب توقيت نزول العمل في رمضان ميتنسيش وبيهون تعب شهور التصوير اللي قبلها”. وذكرت: “جوزي بعتبره الضهر والسند وأمي وحماتي الواحدة منهم بعشرة وأول عمل ليا في التمثيل كان مسلسل في صوت القاهرة كان عندي ٨ سنين.. كنا أطفال بنشتغل بدون أجر وخدت سنين كتير عشان أوصل لأول خطوة ترضيني… يعني من عمر ٨ سنين لحد ما قدمت “قصة الأمس” سنة .٢٠٠٨ ومركزتش كام عمل ليا بعتبره علامات مهمة ليا”. وأضافت: مسلسل “موسى” كان صعيدي وظروف تصويره في أماكن صعبة والمشاهد كان أغلبها ماستر سين فأوقات تصويره كانت بتوصل لـ ٦ ساعات في المشهد الواحد، وأطول عمل صورته كان “قصة الأمس” مع أستاذة إنعام.. استمر لمدة سنتين. واختتمت: “أقصر عمل ليا وبعتبره من أهم ما قدمت حلقات مسلسل “عيشها بفرحة” من قصص مسلسل “٥٥ مشكلة حب”.. صورناه في ١٦ يوم وهو كان ١٠ حلقات وكنا بنصور قبل الإذاعة بيوم”.