ملك أحمد زاهر تكشف السبب وراء ذهابها لدكتور نفسي بعد «أزمة ثقة» | خاص
كشفت الفنانه ملك أحمد زاهر عن كواليس مسلسل “أزمة ثقة” والسبب وراء ذهابها لدكتور نفسي وعن أحلامها وخططها بالفن وخارج الوسط الفني .وقالت ملك أحمد زاهر في تصريحات خاصة لـ ” بوابة أخبار اليوم ” : كواليس مسلسل أزمه ثقه كانت حلوه جدا وكنت بحب اوي المخرج أستاذ وائل والمنتجه استاذه رشا وبحب جدا فريق العمل زي استاذه نجلا وهاني عادل والكواليس كانت حقيقي لذيذه ومفيش مشاكل واجهتني ” . وأضافت ملك عن السبب وراء ذهابها لدكتور نفساني أثناء تصوير كواليس المسلسل وقالت : ” الدور كان كبير وصعب وأحتاج مني مجهود كبير ومذاكره وروحت لدكتور نفساني وفضلت شهرين بذاكر بس ونفسيًا الدور تعبني لفتره كبيره ” .وتابعت أيضا عن رأيها بردود افعال الجمهور وقالت :” اكتر حاجه ببقي منتظراها رد الفعل بعد أي عمل بعمله جدا وببقي خايفه جدا وبتبسط لما يبقي رد الفعل إيجابي و النقد كان زمان بيخلي نفسيتي وحشه بس دلوقتي بقيت اتعود لاننا دلوقتي بننتقعد بلا استثناء ومن كل الفنانين ومفيش حد الكل بيجتمع عليه . وأضافت : ” مبقتش بهتم بنقد السوشيال ميديا بالذات بقيت بهتم بالنقد الي فيه نصيحه زي اشتغلي أكتر واهتمي بالحته دي اكتر وهكذا ” .وأضافت ملك زاهر عن أحلامها بالفن والأدوار التي تتمني الحصول عليها قائلة : ” عايزه اشتغل مع كل الفنانين ونفسي أعمل كوميدي اوي الفتره الجايه وتابعت عن أحلامها خارج مجال الفن : ” نفسي اعمل مشاريع جمب شغلي بس لسه مفيش حاجه كامله في دماغي ولسه مقررتش وانا بشتغل وعندي دراستي وحياتي واهلي وصحابي فا الموضوع صعب وفي الاخر دي الحاجه الي بحبها ولازم أتعب فيها شويه عشان مفيش حاجه بتيجي من غير تعب وأضافت : ” باخد بالي وبركز وبنظم وقتي عشان ابقي موجوده لكل الي حواليا وادي كويس في دراستي ولشغلي بنفس الكفائه ومقصرش في اي حاجه ” . ملك أحمد زاهر في مسلسل “سيد الناس” وتتعاون ملك أحمد زاهر مع المخرج محمد سامي في رمضان القادم 2025 بمسلسل “سيد الناس” من بطولة عمرو سعد وإلهام شاهين وخالد الصاوي ومنة فضالي من تأليف خالد صلاح.