كنت مسجونة.. رد مفاجئ من بسمة بوسيل على وصف زواجها من تامر حسني 

كشفت الفنانة بسمة بوسيل مواصفات فتى أحلامها في حال فكرت بالارتباط مجددًا، وذلك خلال استضافتها في برنامج “عندي سؤال” الذي يقدمة الإعلامي محمد قيس.وقالت بسمة بوسيل: “في اللي جاي أنا عايزة واحد يبقى قريب من ربنا، مش عايزه حد متدين أوي لكن بيعرف ربنا عشان يراعي ربنا فيا، ويكون بيصلي 5 مرات في اليوم وأشوفه قدامي بيصلي عشان دا العمود بتاع كل حاجة، لما أنت بتخاف ربنا بيكون في تربية من جواك، مش هقدر أكذب عشان ربنا هيزعل مني فهقول الحقيقة ومش هخون، لأن زي ما هعمل هاخد”. وفيما يتعلق بجنسية الرجل الذي تتطلع للارتباط به، سواء كان مصريًا أو مغربيًا أو حتى أجنبيًا، أفادت بسمة بوسيل: ” أنا كده كده لازم أتجوز مسلم عاوزة واحد بيعرف ربنا وبيخاف منه لأن بعد كده كل حاجة بتظبط، مش عارفة جنسيته إيه بس لازم مسلم”.اقرأ أيضًا : تامر حسني لـ بسمة بوسيل: «إحنا هنقطع على بعض» | شاهدوأكدت بسمة بوسيل أنها غير مستعدة للإرتباط الفترة الحالية، قائلة: “أنا لسه مش جاهزة للارتباط، أنا دلوقتي مش بستحمل حد يتحكم فيا أبدا لو قالي متسافريش مثلا ممكن اتجنن، عايزة أكون مع نفسي في راحة، عايزة أصحى الصبح أسافر أي مكان أو أدخل استديو أغني أو أروح شركتي أو أسافر المغرب لأهلي، لما تبقى حاسس أنك مسجون وطلعت من السجن طبيعي مش هتبقى عايز حد يكلمك، عايزة حرية، ودا ترسبات عن الماضي”.