بعد تعرضه لحادث.. علي رؤوف يكشف تفاصيل حالته الصحية

وكالات

كشف الفنان علي رؤوف صاحب الأغنية الشهيرة «أنا بشحت بالجيتار»، تفاصيل حالته الصحية بعد تعرضه لحادث مروري مساء أمس بمحافظة السويس، عبر حسابة الرسمي بموقع التواصل الاجتماعي “فيس بوك”.وطمأن الفنان علي رؤوف جمهوره ومتابعيه علي حالته الصحية بعد دخوله المستشفي أثر حادث تصادم بسيارتة بمنطقة الغريب، وعلق قائلا: ” أحب اطمنكم عليا وعلى صحتي أني بخير إلى حد ما، عندي بس شوية جروح وشرخ بسيط في منتصف القفص الصدري وكدمات شديدة في العمود الفقري”وتابع: “وبما أني صاحب الشأن بنفي أي خبر عن أني في حالة حرجة، أنا محتاج بس راحة من أسبوعين إلى 3 أسابيع، ومفيش داعي أني اتكلم عن الحادث أو تفاصيله، وأضاف: ” أينعم كتير عنده فكرة أن دي أول عربية اجيبها في حياتي وكانت حلم من أحلام عمري، بس مدام جت في الحديد فا في ستين مليون داهية، ومش محتاج أقول أن دي تحويشة سنين بس نقول إيه بقى غير اللي إيده في الماية مش زي اللي إيده في النار ” .واستكمل رؤوف : ”  الخلاصة أني بخير إلى حد ما ومش زعلان على حاجة ومسيري أقوم بالسلامة وأبدأ من الصفر تاني، كل اللي أنا طالبه على قدر حبكم ليا اتمنولي الخير، لأن أي نجاح أنا بعمله هو حصاد 15 سنة مرمطة وتعب بلا راحة وتكاسل، وأظن أي كارير في الدنيا محتاج تعب وكفاح “.واستطرد: ” وأحب أن أحيط علم سيادتكم أني مش بتباها بممتلكاتي وخير دليل على ذالك محدش يعرف أني كان معايا عربية أصلًا ويوم ما انتشر الخبر كله شافها متدشملة في الحادث، لأني دايمًا براعي احتياج الغير للأشياء الثمينة فمبحبش أخلي أي حد يستفز بحاجة معايا هو نفسه فيها ودا من أصول تربيتي”.واختتم علي رؤوف : “وأخيرًا شكر خاص لرجال الأمن في محافظة السويس على إنقاذي أنا واللي كانو معايا، شكرًا لكل راجل محترم عنده نخوة ساعد في إنقاذ حياتنا من الحادث شكر خاص لأطباء المجمع الطبي في السويس على مجهوداتم العظيمة، شكر كبير جدًا لكل أصحابي وحبايبي اللي كلموني وسألوا عني وكانوا معايا لحظة بلحظة لحد ما رجعت البيت، وعلى راسي كل اللي تلهف عليا وسأل عني وعن صحتي”. مغني«بشحت بالجيتار»يتعرض لحادث في السويس وفي سياق متصل تعرض المغني الشاب “على رؤوف”، صاحب أغنية “أنا بشحت بالجيتار” لحادث مروري بمحافظة السويس مساء أمس الاثنين الموافق 27 من أكتوبر ، بعد تصادم سيارته في الرصيف.واصطدم الفنان الشاب ابن محافظة السويس بالرصيف في شارع 23 يوليو، أمام مساكن اللوكس بمنطقة الغريب، وجرى نقل علي رؤوف إلى المستشفى لتلقي العلاج.وتسببت قوة الاصطدام في كسر لافتة معدنية كانت مثبتة على رصيف الجنينة المواجه للمساكن، وانفصل الإطار الأمامي الأيمن عن السيارة.